A do të tërhiqet Rusia apo jo? Kjo është pyetja që po bëjnë sot shumë ukrainas. Raportet nga inteligjenca amerikane kishin sugjeruar se Moska mund të nisë një sulm brenda natës, por kjo nuk ndodhi.
“Kur djali im më zgjoi rreth orës 03:00, qëndrova në ankth dhe vigjilente për ca kohë duke u përpjekur të dëgjoja diçka gjatë natës,” thotë 29-vjeçarja Maria Shtogryn, nënë e një vogëlushi nga Odesa.
“Kur asgjë nuk ndodhi sonte, u ndjeva e lehtësuar”, shton ajo, raporton BBC, përcjell abcnews.al.
Ukrainasit argumentojnë nëse kërcënimi i pushtimit rus është real, në janar 48% besonin se ishte, dhe 39% mendonin se nuk ishte.
Por më shumë se gjysma, 56.5% pajtohen se përpjekjet ushtarake dhe diplomatike të Ukrainës për ta parandaluar atë nuk janë të mjaftueshme.
Maria thotë se do të dëshironte të shihte disa përforcime mbrojtëse në plazhin e Detit të Zi, ku ajo shëtit me fëmijën e saj çdo ditë. Për të, rreziku i sulmit nga uji është shqetësues. g.v/abcnews.al
