Adoleshentët e moshës 12 deri në 17 vjeç nga Britania e Madhe që nuk janë vaksinuar kundër Covid do të lejohen të hyjnë në Spanjë duke filluar nga e hëna, vetëm me një test negativ PCR brenda 72 orëve nga mbërritja, tha për BBC Sekretari për Turizmin në Spanjë, Fernando Valdes.
Aktualisht, të gjithë personat mbi 12 vjeç duhet të kenë marrë të dyja dozat për të hyrë në Spanjë. Disa familje i kishin anuluar pushimet në kontinentin e Spanjës dhe Ishujt Kanarie, për shkak se fëmijët e tyre nuk ishin vaksinuar kundër Covid.
Ndërsa personat mbi 18 vjeç që do të hyjnë në vend duhen të jenë të vaksinuar me të dyja dozat.
Spanja është një nga vendet më të prekura nga pandemia. Vendi ka regjistruar 10,555,196 raste dhe 95,606 viktima që nga fillimi i pandemisë.
/abcnews.al
