Mesfushori shqiptar, Enis Bardhi i cili aktivizohet me Levanten në La Liga, u ndalua nga policia teksa lëvizte me patentë të falsifikuar.
Për këtë arsye, për mesfushorin shqiptar të Maqedonisë së Veriut u hap një çështje gjyqësore për thyerje të ligjit.
Gjykata vendosi 4 muaj burg si dhe një gjobë prej 1900 eurosh. Megjithatë, për shkak se nuk ka bërë një sjellje anti-ligjore më parë, gjykata vendosi që ta pezullonte vendimin duke mos e futur në burg Bardhin. Ai gjithsesi do të jetë në provë për të paktën 2 vite dhe në rast se shkel ligjin, vendimi i parë rikthehet në fuqi. /f.a/abcnews.al
