Ambasadori i BE në Tiranë Luigi Soreca vlerëson zgjatjen e afatit të komisionit parlamentar për hetimin e inceneratorëve.
Përmes një reagimi në rrjete sociale Soreca shkruan se zgjatja e këtij komisioni është i rëndësishëm. Ambasadori thekson se transparenca dhe llogaridhënia janë parimet kryesore të BE-së dhe Shqipërisë në rrugën e saj integruese.
“E rëndësishme që puna e Komisionit Hetimor të Parlamentit për inceneratorët të vazhdojë. Transparenca dhe llogaridhënia janë parimet kryesore të BE-së. Lufta kundër korrupsionit është një prioritet kryesor për BE dhe Shqipërinë në rrugën e saj integruese”, shkruan Soreca.
Në lidhje me aferën e inceneratorëve, është arrestuar ish-ministri i Mjedisit Lefter Koka dhe janë shpallur në kërkim Stela Gugallja dhe Klodian Zoto. /abcnews.al
