Loading ...
Një francez 75 vjeçar, i cili po përpiqej të kalonte me vozitje përtej Oqeanit Atlantik është gjetur i vdekur në det, tha ekipi i tij mbështetës. Aventurieri Jean-Jacques Savin kishte bërë më parë kalimin në një fuçi të madhe në vitin 2019. “Për fat të keq, këtë herë oqeani ishte më i fortë se miku ynë, i cili e donte aq shumë lundrimin dhe detin”, thuhet në një deklaratë në faqen e tij në Facebook.
Savin kishte ndezur dy fenerë shqetësimi të enjten mbrëma. Familja e tij nuk kishte dëgjuar asnjë lajm prej tij që atëherë dhe “shpresonte për një fije shprese, madje edhe një lajm të mirë”, thuhet në deklaratën e Facebook . Por të premten, kanoja e Savinit u gjet e përmbysur në Azore në një zinxhir ishullor në Oqeanin Atlantik të Veriut, nga zyrtarët detarë portugez.
Nuk janë përcaktuar ende rrethanat e sakta të vdekjes së tij raporton “BBC”. Ish-parashutisti ushtarak, i cili festoi ditëlindjen e tij të 75-të në det javën e kaluar u nis nga Sagres në Portugalinë jugore më 1 janar me synimin për të kaluar vetëm oqeanin.
Ai shkroi ditën e mërkurë në Facebook se kishte erëra të forta që po e bënin udhëtimin e tij të zgjaste më shumë dhe tha se kishte probleme me energjinë e tij diellore. Por ai shtoi: “Të jeni të sigurt, nuk jam në rrezik!” Ai tha se planifikonte t’i rregullonte problemet sapo të mbërrinte në “marinën e bukur” të Ponta Delgada që është kryeqyteti i Azoreve.
Savin kishte planifikuar të kalonte rreth tre muaj në kanoen e tij 8 metra të gjatë, të cilës i referohej si “miku i tij”. Në vitin 2019, aventurieri kaloi me sukses Atlantikun në një kapsulë portokalli në formë fuçie, duke përdorur vetëm rrymat detare për ta çuar atë përtej ujit në një udhëtim prej 122 ditësh. / abcnews.al
