“Të mos lejojmë përçarjen apo vrasjen e PD-së”, ky ka qenë mesazhi i një nga delegateve të PD-së në Kuvendin Kombëtar të kësaj partie.
“Misioni ynë është të mos lejojmë copëtimin e PD, të mos lejojmë vrasjen e saj, të mos lejojmë që dhuna e çfarëdo lloj forme të na ndajë e përçajë, të mos lejojmë urrejtjen e mëritë pakuptim të shkatërrojnë familjen tonë politike për të mundësuar fitoret e PD” tha Arta Sakja.
Mes të tjerash Sakja, nga foltorja e Kuvendi Kombëtar është shprehur se brenda PD-së duhet të ketë një reflektim dhe jo betejë.
“Mos e zhvendosim agjendën politike të opozitës në luftëra të brendshme me njëri tjetrin, por në përballje dinjitoze me kundërshtarin politik. PD është aset kombëtar, shtëpia që u rrit me kontributin e qindra mijëra demokratëve idealistë. Të tillë duhet ta ruajmë, një parti që duhet t’i kontribuojë zhvillimit e përparimit të vendit dhe të ardhmes euro atlantike të tij. Unë kam zgjedhur të jem qëndrestare, unë kam zgjedhur të jem me institucionin PD, e ndërtuar me aksionet e qindra mijëra demokrateve e ndërtuar me zërin e të gjithëve këtu e demokratëve në gjithë Shqipërinë”, tha ajo. /abcnews.al/
