Në Britaninë e Madhe Dr. Paul Burton, zyrtari kryesor mjekësor në Moderna, ka folur me deputetë në komitetin e shkencës dhe teknologjisë në Dhomën e Komunave.
Burton tha se ai pret që të dhënat në ditët në vijim të tregojnë se sa e përmirëson mbrojtjen kundër Omicron doza e tretë e Moderna-s.
Po ashtu ai doli edhe kundër pretendimeve, kryesisht nga Afrika e Jugut, se varianti shkakton sëmundshmëri më të butë dhe paralajmëroi se Omicron dhe Delta ka të ngjarë të qarkullojnë së bashku për ca kohë.
“Unë nuk mendoj se Omicron është një version më i butë, më pak i rëndë i virusit aktual,” i tha ai komitetit. /abcnews.al/
