Britania po përgatitet për një valë të re të pandemisë së koronavirusit, pas përhapjes së variantit Omicron. Edhe pse numri i rasteve me mutacionin e ri mbetet i ulët deri më tani, shërbimet e NHS vlerësojnë se në javët në vijim të paktën gjysma e rasteve do të jenë të infektuar me “Omicron”, duke u bërë kështu varianti dominues në vend.
Britania ka shmangur masat shtrënguese, ndryshe nga vendet e tjera të Europës Perëndimore. Vendi ka gjithashtu sistemin më të mirë të identifikimit të gjeneve, i aftë për të identifikuar shpejt mutacionet e reja.
“Unë mendoj se ky dimër do të jetë një makth,” tha Peter Inglis, një ish-këshilltar i NHS. Edhe pse kemi shumë pak informacione për “Omicron”, mostrat e para janë shqetësuese. “Do të përhapet shumë shpejt, edhe në vendet me shkallë të lartë vaksinimi”, sipas virologut Jeffrey Barrett.
“Është shumë e qartë se Omicron është ngjitës dhe i aftë të anashkalojë imunitetin e vaksinës, megjithatë nevojiten më shumë prova,” tha Susan Hopkins, kryetare e Komitetit Këshillues Mjekësor të NHS.
Në një deklaratë, presidenti i Shoqatës Mjekësore Britanike (BMA), Chang Napol, vlerësoi vendimin e qeverisë për të vendosur masa të tjera mbrojtëse.
/abcnews.al
