Mino Raiola ka zbuluar skuadrat që Haaland mund të zbarkojë . Në pjesën e dytë të intervistës për Sport1, Raiola rrëfeu se ai mund dhe do të bëjë hapin tjetër.
“Bayern, Real, Barcelona, City, këto janë klubet e mëdha ku mund të shkojë. City e ka fituar kampionatin pesë herë. Shumë më shumë se United në vitet e fundit. Kur u transferuam në Dortmund, të gjithë e dinim se ky hap do të vinte, ” shprehet Raiola.
Agjenti zbuloi se Haaland mund të largohet nga Dortmundi në qershorin e ardhshëm: “Ndoshta këtë verë, ndoshta verën e ardhshme. Por ka një mundësi të madhe që Erling të largohet këtë verë. Do të shohim. Ne do t’i tregojmë klubit se cila është ideja jonë dhe ata do të na thonë të tyren, por asnjë vendim nuk do të merret në dimër,” shpjegon ai. /abcnews.al
