Bylisi kërkon të marshojë në Kategorinë e Parë dhe sot do tentojë fitoren e dhjetë, kundër “pengesës” Shkumbini.
Prej orës 13:30 janë programuar duelet e radhës dhe Erzeni e Korabi, sikurse edhe Tomori, do mundohen të mbajnë të njëjtin ritëm për të luftuar për vendin e dytë.
Shijakasit luajnë në shtëpi kundër Burrelit, një kundërshtar për t’u vlerësuar. Korabi ka në plan transfertën kundër Lushnjës, kurse beratasit presin skuadrën e Butrintit, që drejtohet nga Artan Bano.
Një nga sfidat më interesante të ditës së sotme është ajo mes Tërbunit dhe Besës. Në program janë edhe Maliqi-Besëlidhja, Apolonia-Turbina dhe Vora-Pogradeci. / abcnews.al
