Sipas statistikave nga Ministria Izraelite e Shëndetësisë, vaksina Pfizer është 39% efektive kundër Covid dhe 41% efektive në parandalimin e simptomave të rënda. Ndërsa sipas studimeve të mëparshme Pfizer-BioNTech ishte shumë më shumë se 90% efektive kundër Covid.
Ndërkohë, sipas një studimi në Mbretërinë e Bashkuar botuar këtë javë në The New England Journal of Medicine nxori në pah se Pfizer ishte 88% efektive në parandalimin e Covid – më shumë se dyfishi i normës së në të dhënat izraelite.
Por mesa duket disa muaj pas vaksinimit, Pfizer humbet efektivitetin e saj. Personat e vaksinuar janë vetëm 16% të mbrojtur kundër infeksionit tani, ndërsa ata që u vaksinuan në prill ishin 75% të mbrojtur.
Efektiviteti i Pfizer dhe AstraZeneca
Gjithashtu dy doza të vaksinës Pfizer ose AstraZeneca kundër COVID-19 janë afërsisht po aq efektive kundër Delta.
Zyrtarët thonë se vaksinat janë shumë efektive kundër variantit Delta, i cili tani është bërë varianti më dominues në të gjithë botën. Megjithatë, sipas të njëjtit studim vetëm një dozë e vaksinës nuk është e mjaftueshme për të siguruar një mbrojtje të lartë.
Pfizer-BioNTech dhe Oxford-AstraZeneca
Sipas studimit të djeshëm, dy doza të vaksinës Pfizer ishin 88% të efektive në parandalimin e Delta , krahasuar me 93.7% kundrejt Alpha. Të dyja dozat e vaksinës AstraZeneca janë 67% efektive kundër variantit Delta.
E njëjta vaksinë është 74.5% efektive kundër variantit Alpha, krahasuar me vlerësimin fillestar të efikasitetit prej 66%. Të dhënat nga Izraeli kanë treguar se vaksina Pfizer është më pak efektive kundër rasteve simptomatike, megjithëse mbrojtja ndaj simptomave të rënda mbetet e lartë.
Në një deklaratë Britania njoftoi se doza e parë nga këta të dy vaksina është 33% efektive kundër Delta. Studimi i plotë i botuar dje zbuloi se një dozë e vaksinës Pfizer është 36% efektive, ndërsa një dozë e vaksinës AstraZeneca është rreth 30% efektive./abcnews.al
