Zbulimi i një sere me 870 kilogram kanabis sativa në Berat i ka “ngrënë kokën” kreut të policisë së këtij qyteti. Edmond Tarkaj nuk do të jetë më në krye të Policisë së Beratit pas skandalit me sasinë emadhe të kanabisit që u gjet në një serrë pak ditë më parë.
Ai është zëvendësuar nga Kastriot Skënderi.
Gjithçka ndodhi pasi Agjencia e Mbikëqyrjes Policore thelloi hetimet mbi përfshirjen e punonjësve të policisë në këtë skandal, ku një serrë ishte kthyer në bazë të rendësishme të mbledhjes së përpunimit të kanabisit, gjë e cila bëhej përmes një numri të madh punëtorësh ditorë.
Sa i përket Skënderit, mësohet se deri më tani ai mbante postin e këshilltarit të Drejtorit të Përgjithshëm të Policisë së Shtetit. Ndërsa më herët ka mbajtur edhe postin e drejtorit të Policisë së Tiranës. /abcnews.al
