Tetë mësues të shkollës 9 vjecare “Meleq Gosnishti” në Patos, kanë dalë pozitiv me Covid brenda një dite.
Burime për abcnews.al bëjn ëme dije se për shkak të numrit të lartë të mësuesve të infektuar brenda ditës në këtë shkollë është mbyllur shkolla dhe mësimi vijon online për rreth 180 nxënës të ciklit të dytë, nga klasa e 6 deri në të 9.
Tamponit pozitiv nuk i ka shpëtuar as drejtoresha e shkollës.
Burime të sigurta kanë bërë me dije se sot në shkolle, pas javës së mesimit on line, janë rikthyer vetëm një pjesë e nxënesve të ciklit fillor, në bazë të skenarit të përcaktuar.
Vendimmarrja për kthimin e mësimit on line për ciklin e dytë të nxënësve të kësaj shkolle ka ardhur si nga drejtues të arsimit, ashtu edhe ata të shëndetësisë. Është rasti i parë në Patos, që pas nisjes së pandemisë, ku rezultojnë pozitiv me Covid një numër kaq i madh mësuesish brenda një dite, duke çuar në ndryshimin e rrjedhës normale të mësimit në këtë periudhë
Mësimi për nxënësit e ciklit të dytë do të vazhdoj on-line për dy jave, për të pritur më pas edhe vendimarrjen që do të merret. Ndërkohë nga ana e bashkisë së Patosit janë marrë masat për dezinfektimin e mjediseve të shkollës dhe territorit që e rrethon atë.
Pothuajse çdo ditë, mesues e nxënës rezultojnë pozitiv me Covid në Fier, duke e renditur qarkun e dytë në rang vendi për nga numri i të prekurve.e.su./abcnews.al
