Që nga fillimi i fushatës, janë kryer 765,643 vaksinime kundër koronavirusit.
“Vijojmë pa u ndalur drejt objektivit 1 milion vaksinime brenda qershorit”, kështu shprehet ministrja e Shëndetësisë Ogerta Manastirliu, nëpërmjet një postimi në rrjetin social “Facebook”.
Lexo edhe: COVID19/ 21 raste të reja dhe 1 humbje jete në 24 orët e fundit
“765 643 vaksinime të kryera që prej fillimit të fushatës “Shqipëria Buzëqesh”, vijojmë pa u ndalur drejt objektivit 1 milion vaksinime brenda qershorit”, shkruan Manastirliu.
Gjithashtu ministrja e Shëndetësisë, ka publikuar fotografi të momenteve të vaksinimit të operatorëve turistikë në Vlorës.
Kujtojmë se ditën e sotme Ministria e Shëndetësisë raportoi një humbje jete nga Covid dhe 21 raste të reja.
Aktualisht në spitalet COVID po trajtohen 41 pacientë, nga të cilët 6 pacientë janë në terapi intensive.
/abcnews.al/
