Loading ...
Timo Werner do të transferohet te Chelsea dhe Bild raportoi një ditë më parë se klubi londinez do të paguajë klauzolën, 60 milion euro. Sulmuesi gjerman pritet të zyrtarizohet pjesë e londinezëve dhe kontrata e tij do të jetë 5-vjeçare, me një pagë që kap shifrën e 10 milion eurove.
RB Leipzig sigurisht që do ta zëvendësojë sulmuesin kryesor dhe tashmë e ka piketuar atë. Milot Rashica është lojtari i përzgjedhur. Edhe më parë futbollisti dardan u përfol si blerje e klubit gjerman, që pritet të kalojë në arkat e Werder Bremen shumën e 20 milion eurove.
Werder Bremen's Milot Rashica is expected to replace Werner at RB Leipzig
— Dean Jones (@DeanJonesSoccer) June 4, 2020
Tashmë zërat për kalimin e Rashicës te RB Leipzig rikthehen dhe gazetari Dean Jones shkruan se është pikërisht futbollisti shqiptar ai që do të zëvendësojë gjermanin Werner. Lojtari i Kosovës ka spikatur edhe këtë sezon në Bundesliga, duke shënuar 7 gola e asistuar pesë herë. /abcnews.al
