Nga Ema Shazivari
Rreth 100 persona diagnostikohen çdo vit në vendin tonë me HIV AIDS, por këto shifra nuk janë reale pasi nuk kryhen testime vullnetare.
Specialistja e ISHP Marjeta Dervishi thotë për ABC se 60% e rasteve zbulohen rastësisht, nga analizat për dhurimin e gjakut. Problematike është diagnostikimi shumë vonë i kësaj sëmundje.
Kjo sëmundje është më e përhapur tek grupmosha 35-45 vjeç.
Mjekja bën apel veçanërisht tek gratë shtatzënë për të kryer testin.
Përdoruesit e drogës, homoseksualët, dhe prostitutat janë kategoria me riskun më të lartë për tu infektuar. Mjekët këshillojnë që ata të testohen të paktën 2 herë në vit./abcnews.al
