Skuadra e Liverpool nuk di të ndalet. Të kuqtë e Jurgen Klopp kanë mposhtur edhe sot ekipin e Wolverhampton dhe numërojnë plot 50 ndeshje pa humbje. Mjaftoi një gol i Sadio Mane në pjesën e parë që Liverpool të marrë fitoren e 18-të në 19 javë të luajtura.
Ky takim ishte shumë i kontestuar, sidomos në minutat e fundit të pjesës së parë. Goli i Mane i anulua fillimisht, por më pas u akordua nga VAR. Ndërsa goli i barazimit shënuar nga Neto, u konsiderua i rregullt, por t’u anuluar më pas nga VAR-i.
Liverpool vazhdon të jetë në krye të tabelës, me plot 55 pikë nga 57 të mundshmet. Duket se furia e kuqe nuk ka ndërmend të ndalet këtë sezon dhe rekordi i Arsenalit me mbylljen e sezonit pa asnjë humbje, duket në rrezik të madh./abcnews.al
