Të gjithë jemi të ndjeshëm ndaj zërit në kokën tonë që na thotë se nuk jemi mjaftueshëm të mirë, nuk jemi të përgatitur ose që të tjerët janë më të mirë sesa ne. Këto momente vetëbesimi të ulët ndodhin kur ne na vjen një mundësi e re apo kur jemi duke u përgatitur për një moment të madh, siç është intervista e punës apo takimi me dikë që mund të sjellë rritje në karrierë.
Këto mendime të pasigurta, ose mohuesi ynë i brendshëm, bëhet kufizuesi ynë për avancim. Ky që ka tendencë të bëhet më i fortë sa herë që ne po iu afrohemi qëllimeve tona. Ai zë mund të sabotojë performancën dhe suksesin tuaj.
Më poshtë abcnews.al ju ka sjellë 5 mendimet e pasigurta, dhe çfarë mund të bëni në lidhje me to.
1. Unë nuk jam aq i mirë sa…(një koleg, motra etj)
Ju po krahasoheni me të tjerët duke e konsideruar veten të pakualifikuar në një detyrë, projekt, mundësi Ju mendoni që nuk mund të mateni me standardet e të tjerëve.
Çfarë të bëni: Jepini një emër mohuesit tuaj të brendshëm. Bëjeni atë një “gjë” me të cilën mund të dialogoni. Përgjigjuni përsëri sulmeve tuaja të brendshme me zë, duke shprehur këndvështrimin tuaj real. Ju mund të shkruani deklarata racionale dhe realiste sesi jeni në të vërtetë. Përgjigjuni sulmeve tuaja ashtu si do t’i përgjigjeshit një shoku që po thoshte këto gjëra për të, me dhembshuri dhe dashamirësi, këshillon abcnews.al.
2. Unë në jam… (i shëndoshë, i thjeshtë, i shëmtuar, etj.)
Ju jeni kapur me pamjen tuaj dhe papërsosmëritë që janë të brendshme dhe të jashtme.
Çfarë të bëni: Pyesni veten se çfarë mund të jetë duke e shkaktuar këtë vetë-perceptim. Pyesni se çfarë ju çoi në këtë besim dhe më pas identifikoni mënyrat në të cilat ju mund të bëheni më pozitivë dhe realistë për veten tuaj. A ka ndonjë mënyrë më të dhembshur apo më të kuptueshme për ta parë veten? Fokusohuni qëllimisht tek të tjerët në mënyrë që të luftoni vetë-fokusimin intensiv. Vendosni kapelën tuaj të vëzhguesit dhe vini re atë që njerëzit e tjerë duket se po ndiejnë dhe bëjnë, sugjeron abcnews.al.
3. Thjesht nuk mund të t’ia dal të… (bëj atë projekt ose punë, marr diçka të re, etj.). Ju mendoni se mund të dështoni dhe keni frikë se mos rrezikoni.
Çfarë të bëni: Mundohuni të vlerësoni veten bazuar në sa përpjekje bëni, e cila është e kontrollueshme, sesa në rezultatin, i cili varet nga faktorë të jashtëm. Kujtojini vetes sukseset dhe arritjet tuaja. Bisedoni përsëri me mohuesin tuaj të brendshëm. Kujtojini vetes të gjitha arsyet që mund të jeni të besueshëm, të aftë, të zgjuar dhe të përgatitur.
4. Unë nuk përshtatem… (sepse askush nuk më mbështet, nuk më vlerëson, unë nuk jam një prej tyre, askush nuk më sheh si të arsyeshme, etj.)
Ju po supozoni se të tjerët nuk do t’ju pranojnë.
Çfarë të bëni: Kujtojini vetes të gjitha arsyet që mund të jeni emocionues, të dobishëm për kolegët e tjerë dhe një lojtar i mirë. Përgatituni paraprakisht për mundësi. Mendoni për disa gjëra për të cilat mund të flisni me të tjerët për të krijuar kënaqësi reciproke në lidhjen tuaj, ngjarjet aktuale, interesat, hobet, përvojat tuaja të së kaluarës në punë, ose familjen tuaj. Ta bëni fakt që nuk jeni të aftë mund të bëjë që të shmangni situatat shoqërore. Angazhohuni me të tjerët dhe gjeni të përbashkëtat, këshillon abcnews.al.
5. Kjo më ka ndodhur më parë, dhe unë thjesht nuk mund ta trajtoj përsëri dhimbjen… (për shkak të vdekjes, abuzimit, unë u pushova nga puna, etj.)
Ka qenë një ngjarje tragjike ose rrethanë në të kaluarën tuaj, dhe ju shqetësoheni se do të bini viktimë e një rishfaqje të mundshme.
Çfarë të bëni: Jepini vetes kohë për të shëruar dhe për t’u përshtatur me mënyrën sesi janë gjërat në këtë moment. Pyete veten nëse këto ndjenja janë të vërteta edhe tani. Dilni dhe angazhohuni me të tjerët që u besoni. Ndiqni interesat dhe kuriozitetin tuaj. Këmbëngulni dhe vazhdoni të punoni drejt qëllimeve tuaja. Kërkimi i ndihmës nga një terapist mund t’ju ndihmojë të lini të kaluarën pas. Jini të gatshëm të provoni një strategji tjetër më vetë-fuqizuese./e.b-abcnews.al
