5 humbje jete nga COVID, ulen rastet e reja në vend! 35 pacientë në gjendje të rëndë

5 qytetarë kanë humbur betejën me COVID në 24 orët e fundit në vendin tonë. Ministria e Shëndetësisë raporton se viktimat janë të moshave 61 deri në 72 vjeç.

“Me gjithë përpjekjet e mjekëve, në 24 orët e fundit nuk e kanë fituar betejën me COVID19 pesë qytetarë: Një qytetare 61 vjeç nga Saranda, tre qytetarë nga Tirana 63-72 vjeç, një qytetar nga Vlora 72 vjeç. Ministria e Shëndetësisë dhe Mbrojtjes Sociale u shpreh ngushëllimet familjarëve”, raporton ministria.

Numri i të infektuarve ka rënë në 24 orët e fundit. Nga 4,279 testime të kryera Ministria e Shëndetësisë thotë se janë regjistruar 549 raste të reja, duke shënuar një ulje krahasuar me ditën e djeshme që ishin 647 qytetarë pozitiv.

Rastet pozitive janë në këto bashki: 236 qytetarë në Tiranë, 24 në Sarandë, 23 në Fier, 22 në Shkodër, 21 në Lushnje, 20 në Vlorë, 18 në Durrës, 16 në Kamëz, Elbasan, 13 në Lezhë, 11 në Kurbin, Krujë, Dibër, 10 në Kukës, 8 në Dimal, Kuçovë, 6 në Kavajë, Gjirokastër, 5 në Vorë, Patos, Mallakastër, Berat, Cërrik, 4 në Bulqizë, Korçë, 3 në Vau i Dejës, Shijak, Tepelenë, Devoll, Skrapar, Librazhd, 2 në Malësi e Madhe, Tropojë, Mirditë, Pogradec, Poliçan, Gramsh, 1 në Has, Rrogozhinë, Divjakë, Libohovë, Përmet, Memaliaj.

Janë 9,178 pacientë aktivë me COVID19 në të gjithë vendin. Aktualisht në spitalet COVID po marrin trajtim 176 pacientë, nga të cilët 35 janë në gjendje më të rënduar. Ndërkaq janë shëruar 865 qytetarë gjatë 24 orëve të fundit, duke e çuar numrin e të shëruarve në 159,439 që nga fillimi i epidemisë. Ministria e Shëndetësisë i bën apel qytetarëve të vaksinohen sa më parë, për të mbrojtur veten dhe shëndetin e të tjerëve.

“Çdo qytetar mbi 18 vjeç, mund të vaksinohet në qendrën shëndetësore ose në pikën më të afërt të vaksinimit të përqëndruar. Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet. Nëse dyshoni se jeni i prekur nga COVID19 apo keni shenja të sëmundjes, izolohuni menjëherë dhe kontaktoni me mjekun tuaj të familjes për t’u testuar ose telefononi Urgjencën Kombëtare në numrin unik 127”, apelon ministria.

Shtatori ka sjellë rritje të shifrave dhe pritet që edhe në vijim situata të përkeqësohet. Nisur edhe nga rritja e shtrimeve në spital ministria e Shëndetësisë dhe Mbrojtjes Sociale po bën gati në spitalin COVID 4, i cili mund të rihapet nëse do të ezaurohen kapacitetet në dy spitalet e tjera COVID 1 dhe COVID 3, që janë aktualisht në shërbim të pacientëve të shtruar.

Statistika (02 Tetor 2021)

Raste të reja ditore 549

Të shëruar në 24 orë 865

Të shtruar në spitale 176

Humbje jete në 24 orë 5

Testime ditore 4,279

Testime totale 1,211,134

Raste pozitive 171,327

Raste të shëruara 159,439

Raste Aktive 9,178

Humbje jete 2,710

Shpërndarja gjeografike e rasteve aktive sipas qarqeve: