Diego Armando Maradona është kryefjala e ditës në të gjithë botën. Ndarja e tij nga jeta në moshën 60-vjeçare ditën e djeshme për shkak të një arresti kardiak ka pikëlluar gjithë botën, veçanërisht popullin e Argjentinës.
Në orët e para të mëngjesit të sotëm nën masa të rrepta sigurie trupi i pajetë i Maradonës ka lënë shtëpinë e tij në Tigres është transferuar në ndërtesën Casa Rosada në Buenos Aires, ku do të kryhen edhe homazhet e ndarjes nga jeta.
Fjala koronavirus është harruar në Argjentinë dhe nga parashikimet pritet që në homazhe të marrin pjesë më shumë se 1 milionë tifozë dhe mbështetës të yllit të futbollit botëror. /abcnews.al
