Një person ka humbur jetën dhe dhjetëra të tjerë janë plagosur pasi një stuhi shkaktoi shembjen e një teatri në Illinois. Rreth 260 njerëz ishin në Teatrin Apollo, Belvidere, kur çatia u rrëzua në orën 19:55 me orën lokale, tha departamenti lokal i zjarrfikësve.
Shefi i zjarrfikësve Shaën Schadle tha se pesë persona janë në gjendje të rëndë. Një seri tornadosh u raportuan në disa shtete amerikane të premten, duke vrarë të paktën katër persona gjithsej.
Dëme të shumta u raportuan në pjesë të jugut dhe perëndimit, me shtetet e Arkansas dhe Missouri që shpallën gjendjen e jashtëzakonshme. Dhjetëra mijëra mbetën pa energji elektrike.
Zyrtarët lokalë thanë se një person u vra dhe kryetari i bashkisë së qytetit raportoi se të paktën 24 persona u plagosën. Guvernatorja e shtetit, Sarah Huckabee Sanders, konfirmoi vdekjen e dy personave në qytetin Ëynne, rreth 100 milje (170 km) nga Little Rock.
Presidenti i SHBA-së, Joe Biden, e vizitoi Misisipin të premten për të shprehur ngushëllimet e tij dhe për të premtuar ndihmë federale.
/abcnews.al
