Një 31-vjeçar është arrestuar nga Krimi Ekonomik në Durrës për mallra kontrabandë. Sipas uniformave blu është arrestuar F. Z., 31 vjeç, banues në Tiranë. Ky i fundit është kapur nga policia në Portin e Durrësit, me mallra kontrabandë.
“Specialistët e Hetimit të Krimit Ekonomik dhe Financiar në DVP Durrës proceduan shtetasin F. Z., 31 vjeç, banues në Tiranë, për veprën penale “Kontrabanda me mallra të tjera”. Ky shtetas është kapur nga shërbimet e Policisë, në Portin e Durrësit, me mallra kontrabandë, disa lloje të ndryshme medikamentesh dhe 6 telefona celularë, të cilët u sekuestruan në cilësinë e provës materiale,” thuhet në njoftimin e policisë. g.v/abcnews.al
