Krzysztof Piatek është në qendër të vëmendjes te Milani. Sulmuesi polak, pas ardhjes së Zlatan Ibrahimovic, po kërkohet me ngulm nga disa klube angleze. Gianluca Di Marzio raporton se për shërbimet e tij interesohet Aston Villa.
Klubi i Premier League ofron 30 milion euro për kartonin e sulmuesit, i cili një vit më parë shpërtheu me Genoan dhe më pas vijoi me të njëjtën ecuri edhe me Milanin. Sezonin e mbylli me 22 gola në kampionat, kurse sivjet e ka gjetur rrugën e rrjetës vetëm 4 herë.
Gjithsesi në Angli e duan. Veç Aston Villa, edhe West Ham United raportohet se po tenton ta blejë sulmuesin e kuqezinjve. Një tjetër lojtar që mund të largohet nga klubi italian është edhe mbrojtësi Ricardo Rodriguez. Për të ka interesim nga Franca, konkretisht nga Lyon. /abcness.al
