Pa bizhuteritë dhe aksesorët e duhur, pamja juaj nuk do të jetë kurrë e plotë. Ndërsa zakonisht kemi disa pjesë bazë që nuk i ndahemi kurrë, çdo vit priremi të investojmë në bizhuteri dhe aksesorë që janë në modë. Vitin që lamë pas, trendi ishin bizhuteritë me rruaza shumëngjyrëshe. Çfarë do të sjellë 2022?
Kombinime të guximshme
Zinxhirët mbeten dhe, këtë herë, trendi merr një kthesë të re, krejtësisht ndryshe. Gjerdanët e personalizuar dhe kuptimplotë kombinohen me detaje si zinxhirë me dizajne unike dhe lidhje të çuditshme. Për këtë trend rekomandohen edhe metale të përziera.
Elegancë natyrale
Këtë vit, bota natyrore do të vlerësohet vërtet, me siluetat e guaskave dhe gurëve që do të shndërrohen në bizhuteri me bukuri të madhe dhe vlera të paçmueshme.
Detajet e veshit
Trendi i shtresimit që nisi në vitin 2021 kryesisht me gjerdanë dhe zinxhirë të ndryshëm, do të vazhdojë edhe në vitin 2022, këtë herë në vathë. Kujdesi për veshin e përsosur mund të jetë shumë i vështirë dhe është një sfidë për të gjitha vajzat e modës. Preferoni copa të vogla dhe diskrete dhe mos hezitoni të kombinoni detaje ari dhe argjendi për një rezultat më lozonjar. /abcnews.al
