Të paktën 26 njerëz kanë vdekur nga përmbytjet në Korenë e Jugut. Gati 5,000 njerëz janë evakuuar sipas të dhënave të Ministrisë së Brendshme dhe Sigurisë ndërkohë që dhjetë persona raportohen të zhdukur.
Përmbytjet e shkaktuara nga shirat intensivë që vazhdojnë prej një jave, kanë dëmtuar të paktën 6.162 ndërtesa në mbarë vendin kryesisht në kryeqytetin Seul dhe të paktën 2.500 njerëz kanë mbetur të pastrehë.
Dymbëdhjetë fluturime lokale u anuluan në aeroportin rajonal Gwangju pasi pista u përmbyt, sipas agjencisë së lajmeve Yonhap./abcnews.al
