Ekspozita “Nëntori 21”, sjell në galerinë FAB veprat e 25 artistëve të njohur dhe të rinj. Shqetësimet sociale, mbizotërojne tek piktorët e traditës.
Ankthin për punën, mungesën e shpresës, emigracioni, izolimi , por pa lënë mënjanë edhe poetizmin, portretet dhe kompozimet ky është lëmi i gjerë kërkues i 25 piktorëve të Nëntori 21″. Besim Tula thotë se kjo ekspozitë ka lindur si opozitë ndaj fenomeneve sociale dhe kjo vazhdon edhe pas dy dekadash.
Në këtë prezantim Zef Shoshi sjell Skënderbeun në krevatin e vdekjes në kuadër të 550 vjetorit të vdekjes së heroit kombëtar.
Në këtë ekspozitë vihet re pjesëmarrja e emrave të njohur të artit shqiptar ndër vite Aleksandër Filipi, Buron Kaceli, Gazmend Leka, Hasan Çapari, Ksenofon Dilo, Kujtim Buza, Stefan Taçi, Zef Shoshi, por dhe të rinj, të cilët si emërues të përbashket kanë pikturën klasike.
Organizatori Besim Tula tregon se këtë edicionin që është i 21 i “Nëntorit” janë tablo kompozicionale që trajtohen tema të kohës. “Ekspozita “Nëntori” është aktiviteti me jetëgjatë në vendin tonë në artet vizuale, i bëri 21 edicione. Janë punime që trajtojnë tema të kohës.
Besim Tula prezanton dy punime, “Ikona e ngecjes” dhe “Ngushtë”. Puna e dytë sjell një familje që mund ta marrësh dhe në rrugën që mund të bëjnë për të emigruar por dhe si i kanë nxjerr nga shtëpia”, tregon piktori Besim Tula.
“Ekspozita “Nëntori” është aktiviteti me jetëgjatë në vendin tonë punimet e 25 piktorëve do të prezantohen për 10 ditë në galerinë FAB. /abcnews.al
