Policia greke goditi një bandë grabitësish në qendër të Athinës. Të arrestuarit janë 22 shqiptarë dhe 4 grekë, të gjithë të mitur. Ata akuzohen se vepronin kryesisht në sheshin Syntagma, Sheshin e Popullit, Thissio dhe pjesë të tjera qendrore të qytetit.
Sipas policisë, ata ndiqnin një metodologji specifike për kryerjen e grabitjeve. Fillimisht, ata mblidheshin në grupe në pjesë të ndryshme qendrore të Athinës, ku gjenin “viktimat” e tyre të mundshme, duke zgjedhur në shumë raste të mitur.
Pastaj disa nga anëtarët e grupit, duke përdorur dhunë dhe mizori ekstreme u merrnin celularët, paratë dhe sendet e tjera që posedonin. Policia po heton përfshirjen e anëtarëve të bandës në një numër të mjaftueshëm grabitjesh, ndërsa deri më tani të paktën tetë raste janë identifikuar, të cilat ndodhën gjatë muajit të fundit. Përveç kësaj, hetimi zbuloi përfshirjen e dy prej të arrestuarve për trafik droge.
Për të çmontuar bandën, operacioni policor u krye të hënën në Sheshin Syntagma dhe Sheshin Laou. Gjatë kontrolleve të mëvonshme, 21 telefona celularë u gjetën dhe konfiskuan, para dhe rreth 22 gramë kanabis./ db/Abcnews.al
