Ceremonia e hapjes për bisedimet midis qeverisë Afgane dhe kryengritësve Talibanë filloi në kryeqytetin e Katarit Doha të shtunën, duke shënuar fillimin e negociatave që synojnë t’i japin fund dy dekadave të luftës që ka vrarë dhjetëra mijëra luftëtarë dhe civilë.
Konflikti 19-vjeçar është gjithashtu veprimi më i gjatë ushtarak i Shteteve të Bashkuara jashtë shtetit, që ka shqetësuar tre presidentë të njëpasnjëshëm. Ceremonia filloi në orën 9 të mëngjesit nga ministri i jashtëm i Katarit.
Zyrtarët, diplomatët dhe analistët kanë deklaruar se pavarësisht se diskutimi midis dy palëve ishte një arritje, kjo nuk do të thotë se rruga drejt paqes do të jetë e lehtë.
“Negociatat do të duhet të trajtojnë një sërë pyetjesh në lidhje me qeverinë që afganët duan,” tha Deborah Lyons, përfaqësuese speciale e Kombeve të Bashkuara për Afganistanin, këtë muaj në Këshillin e Sigurimit të OKB-së.
Ceremonia e përurimit vjen një ditë pas 19 vjetorit të sulmeve të 11 shtatorit në Shtetet e Bashkuara. Forcat amerikane ndërhynë në Afganistan me urdhër të Presidentit George W. Bush një muaj pas sulmeve për të kapur organizatorin e tyre, Osama bin Laden. s.ba/abcnews.al
