Një 18-vjeçare nga Babunja e Divjakës është larguar nga shtëpia prej dy ditësh. Si pasojë, nëna e saj ka bërë denoncim në Polici.
“Në Komisariatin e Policisë Divjakë, ka bërë kallëzim shtetasja, 45 vjeçe, se më datë 14.08.2023, i është larguar nga banesa, vajza e saj 18 vjeçe, dhe nuk është kthyer më. Po punohet për gjetjen e 18-vjeçares”, thuhet në njoftimin e bluve.
Ndërkohë, xhaxhai i saj, Ali Krasniqi ka pohuar se vajza është parë në fshatin e Spolatës dhe ka kërkuar ndihmën e kujdo që e ka parë, që të lajmërojnë familjarët, pasi e reja vuan nga depresioni dhe janë shumë të shqetësuar.
“Më ka humbur mbesa, me rroba sportive të zeza dhe kapele. Kush e sheh, po pati mundësi të na njoftoi”, tha xhaxhai i 18-vjeçares./abcnews.al
