Dy gra janë vrarë dhe rreth 10 persona janë plagosur ndërsa forcat ruse vazhdojnë të bombardojnë fabrikën e çelikut Azovstal në Mariupol, sipas gazetës ukrainase Ukrayinska Pravda.
Komandanti ukrainas Svyatoslav Palamar i tha gazetës se trupat e dy grave ishin nxjerrë nga rrënojat ndërsa sulmet ajrore të Kremlinit mbi uzinë vazhdojnë.
Lexo edhe: Rusia akuzon Izraelin për mbështetje të neonazistëve
Pamjet e publikuara Reuters tregojnë trupat e pajetë të shtrirë për tokë pas sulmeve.
Z. Palamar tha për Ukrayinska Pravda:
“Në këtë moment, një sulm masiv në uzinën Azovstal është duke u zhvilluar, i mbështetur nga automjete të blinduara dhe tanke, me përpjekje për të zbritur duke përdorur varka dhe një numër të madh këmbësorie. Ne do të bëjmë gjithçka që mundemi për të zmbrapsur këtë sulm, por ne po bëjmë thirrje për veprim të menjëhershëm për evakuimin e civilëve.”/abcnews.al.
