Ditëlindja e 105 e Forcave tona të armatosura është përkujtuar me një ceremoni të posacme në sheshin “Nënë Tereza” në të cilën merrnin pjesë Presidenti i Republikës dhe Ministrja e Mbrojtjes. Në fjalët përshëndetëse ata janë shprehur krenarë për ecurinë e ushtrisë shqiptare, ndërsa kreu i shtetit ka vlerësuar rritjen këtë vit të buxhetit për ushtrinë.
Banda frymore e Ushtrisë shoqëroi Presidentin Meta dhe ministren e Mbrojtjes Xhaçka në sheshin Nënë Tereza, ku u organizua ceremonia e 105 vjetorit të krijimit të Forcave të Armatosura shqiptare.
Kreu i Shtetit, në cilësinë e Komandatit të Përgjithshëm të Forcave të Armatosura, vlerësoi edhe njëherë rolin e njerëzve në uniformë në përballimin e situatës së fundit të krijuar nga përmbytjet.
Meta u shpreh i kënaqur edhe me rritjen e buxhetit për Mbrojtjen, ndërsa garantoi ushtarakët për mbështetjen e tij.
Për ministren e Mbrojtjes, Olta Xhaçka, historia e ushtrisë shqiptare është një tregues i vetë historisë popullit shqiptar.
Të njëjtat vlera, theksoi Xhaçka, ushtarakët shqiptarë I përcjellin tani si vend anëtar I aleancës më të madhe ushtarake në botë.
Në përfundim të ceremonisë, Presidenti dhe ministrja vizituan stendat me efektivët dhe pajisjet e Forcave të armatosura.
Me pas, Meta dhe Xhaçka iu drejtuan selisë së Presidencës, ku Presidenti ftoi ministren për një kafe./abcnews.al
https://youtu.be/uVza5qRX0Yw
