Fundjava larg punës është nga njëra anë një frymëmarrje e freskët, por nga ana tjetër e bën të vështirë riintegrimin tuaj në zyrë. E hëna është gjithmonë më kërkuese se ditët e tjera të javës pasi janë dy ditë në mes që ju nxjerrin jashtë ambientit të punës.
Përballuni me kaosin që pason çdo mëngjes të hënën, me përjashtim të ditëve si sot kur është festë, duke ndjekur disa rregulla të thjeshta organizative që sjellin rregull në ‘kthimin’ tuaj të vështirë në mëngjes në punë. Femrat e suksesshme kanë disa “rregulla të arta karriere” për të ndarë që duhet të filloni t’i zbatoni që në fillim të javës.
- Zgjohuni herët dhe bëni ushtrime
Ushtrimet e mëngjesit aktivizojnë trupin dhe metabolizmin tuaj dhe ju ndihmojnë të qëndroni të shëndetshëm. Kështu vendosni një bazë të fortë për një javë më produktive. Në të njëjtën kohë, lirohet endorfina, e cila do të ndihmojë në ngritjen e humorit tuaj.
- Hani një mëngjes të shëndetshëm
Një mëngjes i mirë është thelbësor për të filluar ditën tuaj, e lëre më javën tuaj. Mos prisni deri në mesditë duke punuar me një stomak që zhurmon dhe gjëmon. Në vend të kësaj, hani siç duhet dhe filloni me oreks për punë, jo për drekë.
- Mbërrini në kohë
Mos shtypni “Snooze” në orën tuaj të ziles. Snooze është butoni i djallit, veçanërisht kur bëhet fjalë për mëngjesin e së hënës. Nëse zgjoheni në kohë dhe arrini rehat në punë, do të keni disa minuta shtesë për t’u çlodhur dhe për të qenë të qetë përpara se të futeni në ritmin e furishëm të punës.
- Pastroni tavolinën tuaj
Nëse nuk e keni rregulluar tavolinën tuaj të premten, të paktën bëjeni të hënën në mëngjes. Një tavolinë e çrregullt do ta bëjë mëngjesin tuaj dhe ditën e parë të javës në punë më stresuese. Organizohuni dhe vendosni dosjet dhe dokumentet tuaja sipas prioritetit, në mënyrë që të dini se çfarë është më urgjente dhe merreni me të së pari.
- Përditësoni listën tuaj të detyrimeve dhe qëllimeve
Vendosni 5 deri në 8 qëllime çdo të hënë në mëngjes për javën në vazhdim. Duke i arritur ato në fund të javës, do të jeni në gjendje të ndiheni më krenarë për veten dhe t’i caktoni vetes artikuj shtesë për javën në vijim, duke ndërtuar kështu profilin tuaj personal të suksesit dhe besimit.
- Mundohuni të buzëqeshni më shumë
Duke buzëqeshur, energjia pozitive mund të bëhet ngjitëse për ata që ju rrethojnë, mund të relaksoheni dhe të gjitha projektet që keni për të hënën do të përfundojnë më lehtë dhe shpejt.
- Jepini përparësi urgjencave
Kur kërkoni emailet tuaja, kushtojini vëmendje atyre me titullin “Urgjente” ose të shënuara me një yll. Merruni me prioritetet dhe mendoni në mënyrë cilësore dhe jo sasiore.
- Jini më të sjellshëm me ata që ju rrethojnë
Në gjithë humorin “energji pozitive” që preferohet të nisni javën, preferoni të silleni më me edukatë me partnerët. Për shembull, emailet që dërgoni mund të fillojnë me “Mirëmëngjes, shpresoj të keni kaluar një fundjavë të mirë”, në mënyrë që të jepni një shembull të mirë, por në të njëjtën kohë mund të thoni edhe atë që dëshironi dhe që lidhet me punën.
- Thuaj “jo”
Të hënën të gjithë zakonisht kujtojnë se ju duan për diçka që kanë menduar gjatë fundjavës. Mund të refuzoni me shumë mirësjellje dhe të premtoni se do të merreni me ta pak më vonë, në mënyrë që të përfundoni me prioritetet e javës. Sigurisht, shefi juaj është një përjashtim këtu.
- Mos harroni se ka edhe të martën
Ka disa gjëra që mund të presin dhe nuk do ta prishin botën nëse i bëni të martën. Stresi i së hënës mund ta ndajë fjalë për fjalë një grua që punon, kështu që është shumë më mirë të relaksoheni, të organizoheni dhe të zgjidhni se cilat çështje janë urgjente. Në këtë mënyrë do të hiqni pak peshë nga e hëna, por gjithashtu do ta bëni të martën më të lehtë duke ditur se çfarë duhet të bëni së pari./abcnews.al
