Kur bëheni prind, ju merrni përgjegjësi të mardhe për të ardhmen e fëmijës tuaj. Të gjithë doni që fëmijët tuaj të jenë të sjellshëm, të ndershëm, dashamirës dhe të guximshëm. Çelësi i gjithë kësaj është edukimi i mirë dhe shembujt personalë.
Më poshtë abcnews.al do ju tregojë se kush janë 10 gjërat që duhet t’jua mësoni fëmijëve në moshën 10-vjeçare. Janë shumë të rëndësishme.
1. Vajzat dhe djemtë duhet të respektohen njësoj
Respekti për të tjetër është një tipa i rëndësishëm që fëmija duhet ta ketë. Kjo përfshin dhe respektin për fëmijët e tjerë të së njëjtës moshë, pavarësisht nga gjinia.
2. Mos kini frikë të bëni gabime
Të mësosh nga gabimet e dikujt është talent i rrallë. Por është gjithashtu shumë e rëndësishme të mësoni nga gabimet tuaja. Fëmijët nuk duhet të kenë frikë të humbasin apo të bëjnë gabime.
3. Njohuritë janë më të rëndësishme se notat
Ndonjëherë prindërit nxehen me notat jo shumë të larta të fëmijëve. Sidoqoftë, nota e mirë nuk tregon gjithnjë njohuri të mira. Ju duhet t’i mësoni fëmijës tuaj se njohuritë janë shumë më të rëndësishme se notat.
4. Prindërit nuk janë armiqtë tuaj. Mund t’ju kërkoni ndihmë
Të bëhesh shok më fëmijën tënd nuk është aq e lehtë, veçanërisht nëse ai ose ajo ka tashmë miq. Gjithsesi, tregojini fëmijës se mund t’ju besojë dhe shmangni ulërimat apo leksionet e gjata.
5. Gjithmonë jini gati të qëndroni për veten tuaj
Disa prindër tregojnë më shumë respekt për mësuesit sesa për njerëzit e tjerë. Kjo mund të jetë një arsye për pasiguri në të ardhmen dhe paaftësi për të ecur në këmbët e tyre. Shpjegojini fëmijës tuaj se respekti është i rëndësishëm, por aftësia për të mbrojtur këndvështrimin e dikujt është gjithashtu e nevojshme. Vetëm sigurohuni që ta bëni atë të drejtë.
6. Mos bëni diçka që nuk ju pëlqen për miratimin e dikujt
Fëmijët mendojnë se popullariteti në mesin e miqve është shumë i rëndësishëm dhe ata bëjnë çmos për ta fituar atë. Përdorni shembullin tuaj personal për t’i treguar fëmijës tuaj që të jesh një person i ndershëm dhe i respektueshëm është më i vlefshëm sesa të marrësh miratimin e dikujt duke shkelur bindjet e tua.
7. Nëse nuk e kuptoni, bëni pyetje
Bërja e pyetjeve është absolutisht normale. Është më mirë të bësh një pyetje sesa të pretendosh se kupton gjithçka. Fëmijëria është koha më e mirë për të ditur për këtë.
8. Tregoji mësuesit tuaj nëse nuk ndiheni mirë
Një fëmijë nuk duhet të ketë frikë të flasë për çështje shëndetësore. Shëndeti është më i rëndësishëm se notat ose zemërimi i një mësuesi. Sigurohuni që fëmija juaj e di këtë gjë.
9. Respektoni natyrën
Sa shpesh ankohemi për rrugë të papastër dhe vazot e qytetit me lule të thata? Respekti për natyrën duhet të fillojë që në shtëpi. Filloni me veten tuaj, dhe pastaj kultivoni këtë cilësi tek fëmija juaj. Në këtë rast, rezultati do të ishte mjaft i dukshëm.
10. Mësoni të thoni “jo”
Mësoni fëmijën tuaj të thotë “jo” ndaj të rriturve, mësuesit, madje edhe ndaj jush. Ju dëshironi të rrisni një fëmijë me personalitet të fortë, jo një person që duhet t’i bindet urdhrave. Aftësia për të thënë “jo” do të jetë e dobishme në jetën e të rriturve./e.b-abcnews.al
