Një 1-vjeçar është viktima më e re Covid-19 në Georgia, sipas Departamentit të Shëndetësisë. Shefja e Shëndetit Publik të Qarkut Cobb, Valerie Crow tha për CNN se vogëlushi ishte në gjendje të rëndë shëndetësore.
Deri më tani janë raportuar mbi 900 raste pozitive te foshnjat nën moshën 1 vjeç, 58 janë shtruar në spital sipas Departamentit të Shëndetit Publik . Ndërkohë janë raportuar mbi 3,000 raste mes moshave 1 dhe 4 vjeç, 62 të shtruar dhe një viktimë.
Rastet e koronavirusit te fëmijët u rritën me 21% midis 6 dhe 20 gushtit, sipas një raporti të përditësuar nga Akademia Amerikane e Pediatrisë dhe Shoqata e Spitalit të Fëmijëve. Më shumë se 440,000 fëmijë janë infektuar në SHBA që nga fillimi i pandemisë, sipas raportit./abcnews.al
