Zjarr në një banesë në Kinostudio

15:55 | 25/03/2019

Një zjarr përfshiu sot në drekë disa apartamente të një pallati, pranë ish-Kinostudios në Tiranë. 3 persona, të asfiksuar nga tymi, u dërguan në spital për ndihmë mjekësore.

Dyshohet se flaket mund të ketë nisur si pasojë e një pakujdesie të banoreve. Një zjarr i fuqishëm përfshiu disa apartamente të këtij pallati, fare pranë Komisariatit .Nr .4, në zonë e ish-Kinostudios në Tiranë.  Sipas banorëve të pallatit, flakët fillimisht u përhapën në katin e katërt, ndërsa për të vënë zjarrin nën kontroll u deshën pesë automjete zjarrfikëse.

E gjendur në situatë kritike, kjo vajzë siç duket edhe në foto u largua nga shërbimi zjarrfikës në këtë mënyrë. E tilla situata ishte edhe për këtë vajzë të mitur, e cila u shpëtua bashkë me nënën e saj që kishin mbetur të bllokuar nga tymi në katin e 6 të apartamentit ku ra zjarri.

Evakuimi i banorëve të kateve të sipërm u bë në këtë mënyrë.  Ashensori u bllokua për arsye sigurie, ndërsa tymi e bënte të pamundur shikimin për të zbritur banorët e bllokuar nga shkallët e emergjencës.   Tre persona u dërguan në spital për ndihmë mjekësore. Ata kishin mbetur të asfiksuar në tentative për të ndihmuar të familjarët dhe fqinjët e tyre.

Ngjarja krijoi panik te banorët e zonës, ndërsa flakët u vendosën nën kontroll pas rreth 30 minutash.  Ende nuk dihen shkaqet e zjarrit, por dyshohet për një pakujdesi nga familjarët e apartamentit te katit të katërt. Për ngjarjen u ngrit një grup hetimor qe pritet të zbuloje edhe shkaqet e rënies së flakëve./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono