Zhduket “Pema e Miqësisë”, e mbolli Trump dhe Macron

13:50 | 10/06/2019

Burime diplomatike amerikane konfirmuan për mediat se “Pema e Miqësisë” e mbjellë nga presidentët Tramp dhe Makron një vit më parë në kopshtin e Shtëpisë së Bardhë, është tharë. Pema ishte zhdukur pak kohë pas mbjelljes së saj.

Mister rreth pemës zhdukur nga oborri i Shtëpisë së Bardhë. Pema u mboll nga Donald Trump dhe Emmanuel Macron dhe ishte dhuratë e presidentit francez gjatë vizitës së tij në Uashington. Pema kishte simbolikën e saj pasi vinte nga një zonë pyjore e Francës ku dy mijë marinës amerikanë kishin humbur jetën gjatë luftës së dytë botërore. Në vitin 2018 dy liderët para shumë kamerave morën në dorë nga një lopatë për të mbjellë pemën – simbol të miqësisë mes Shteteve të Bashkuara të Amerikës dhe Francës.

Pranë dy presidentëve ndodheshin dhe Zonjat e para respektive. Një gjest i bukur, pamjet e të cilit bënë xhiron e botës, por që tashmë pati një epilog të trishtë. Menjëherë disa ditë pas mbjelljes pema ishte zhdukur, ndërsa ambasadori francez në Uashington shpjegonte se pema po kurohej.

Por pema nuk u rikthye më asnjëherë në kopshtin e Shtëpisë së Bardhë. Dhe burime diplomatike amerikane konfirmuan për mediat se ajo ishte tharë. Kanë qenë të shumtë ata që kanë parë një simbolikë tjetër domethënëse të kësaj ngjarjeje./ABC News Albania 24/7


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono