Kërcënim për kreun e KQZ, merret në mbrojtje dhe familja e tij

13:12 | 05/07/201913:120

Kryetari i Komisionit Qendror të Zgjedhjeve është kërcënuar me jetën e tij dhe të familjes nga një person përmes rrjeteve sociale. Policia ka shtuar masat e sigurisë ndaj Klement Zgurit si dhe ka marrë në mbrotje familjen e tij.

Këta efektivë të gardës së republikës qëndrojnë brenda sallës së mbledhjes së Komisionit Qendror të Zgjedhjeve….

Zyra e Kryetarit të KQZ-së, që prej datës 10 qershor ruhej nga një oficer garde, tashmë ka më shumë mbrojtje.

Burimet pranë KQZ-së dhe autoriteteve policore, i thanë ABC News, se ditën e djeshme, Klement Zguri ka marrë një mesazh në “Facebook”, nga një llogari me inicialet E. P., i cili i shkruan “Do të vras ty dhe familjen”.

Menjëherë Zguri ka njoftuar policinë, e cila ka nisur verifikimet mbi rrezikshmërinë e këtij personi dhe nuk ka dhënë ende një informacion zyrtar mbi ngjarjen.

Edhe pse ende nuk dihet nëse llogaria në “Facebook” i takon vërtetë personit E. Pjetrini, policia ka vlerësuar të shtojë masat e sigurisë ndaj Zgurit dhe familjes së tij.

Edhe 4 anëtarët e tjerë të KQZ-së janë nën mbrojtje nga Garda e Republikës që prej 10 Qershorit, kur u vendosën në qendër të sulmeve politike për shkak se injoruan dekretin presidencial për anulimin e 30 Qershorit./ABC News Albania 24/7


Për t’u bërë pjesë e grupit klikoni: Join Group dhe kërkesa do t’ju aprovohet.
KOMUNITETI ABC NEWS ALBANIA: https://www.facebook.com/groups/AbcNewsAlbaniaGroup

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono