Zgjedhjet presidenciale amerikane, O’Rourke shpall kandidaturën e tij

12:00 | 14/03/2019

Politikani demokrat Beto O’Rourke, është kandidati i radhës në zgjedhjet presidenciale në Shtetet e Bashkuara të Amerikës në 2020-n. Ai konfirmoi sfidën ndaj kreut  të Shtëpisë së Bardhë Trump nga qyteti teksan El Paso.

Beto O’Rourke kandidohet për zgjedhjet presidenciale amerikane të 2020-s. Sipas deklaratave të tij për një televizion lokal në qytetin e tij teksan El Paso, konfirmimi zyrtar do të bëhet para mbërritjes së tij në Ajoua, shtet që shënon hapjen e sezonit për zgjedhjet paraprake presidenciale. Duke konfirmuar sfidën ndaj presidentit Donald Trump, ai u shpreh se ishte shumë i lumtur me atë që El Paso përfaqëson.

Vendimi përflitej prej kohësh, por politikani demokrat nuk kishte deklaruar ende asgë. Por emri i O’Rourke u bë i njohur fillimisht në sfidën ndaj senatorit Ted Kruz. Një sfidë që përfundoi keq pasi O’Rourke humbi në zgjedhjet paraprake për vetëm 3 përqind. Por dështimi në Teksas është në kontrast me suksesin që ai ka në shkallë kombëtare pasi ka marrë mbështetjen e miliona amerikanëve. Ai bëri të ditur për gazetarët se kishte marrë urime dhe nga ish-presidenti demokrat Barack Obama.

O’Rourke futet në garë për t’u përballur me një ushtri të tërë kandidatësh demokratë si Kamala Harris, Kori Buker, Berni Senders dhe Elizabet Uoren. Apelit i mungon Joe Biden, i cili pritet të konfirmojë kandidaturën e tij brenda një kohe të shkurtër. Një nga problemet me të cilat duhet përballet Beto, të cilin e ka pranuar dhe vetë, është të qënurit një burrë dhe i bardhë në një parti demokratike që kërkon diversitetin./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono