Zgjedhjet në PE, dorëhiqet kryetarja e social-demokratëve të Gjermanisë

14:10 | 02/06/2019

Humbja e rëndë në zgjedhjet euro-parlamentare dhe rënia e popullaritetit në minimumin historik kanë bërë që kryetarja e Partisë Social Demokrate të Gjermanisë të japë dorëheqjen. Kryetarja Andrea Nahles ka deklaruar se në këto kushte nuk mund të kryejë më detyrat e saj.

Kryetarja e Partisë Social-demokrate të Gjermanisë, Andrea Nahles ka deklaruar se do të japë dorëheqjen për shkak se nuk gëzon mbështetjen që i duhet për të udhëhequr subjektin politik.

Lëvizja e saj vjen në një kohë kur të Gjelbërit kanë tejkaluar konservatorët e kancelares Angela Merkel duke u kthyer në partinë më popullore të Gjermanisë, ndërkohë që vetë SPD ndodhet në nivelin më të ulët historik.

Debatet e brendshme në grupin parlamentar dhe reagimet kanë treguar se nuk gëzoj më mbështetjen e duhur për të kryer detyrat e mia”, ka deklaruar Nahles ditën e diel.

Politikania ka saktësuar se do të zyrtarizojë dorëheqjen e saj si kryetare të partisë ditën e hënë dhe më pas të martën si kryetare e grupit parlamentar. Nahles do të përballej me një votëbesim për lidershipin e saj ditën e martë, pasi vendimi për të qëndruar në koalicion me partinë e Merkel u kritikua nga partia e saj.

Më herët, zëvendës kancelari gjerman Olaf Sholc tha për një gazetë vendase se, e përjashtonte hyrjen në një tjetër koalicion të madh teksa social-demokratët po përpiqen të rigrupohen pas humbjes së verifikuar në zgjedhjet euro-parlamentare të javës së kaluar./ABC News Albania 24/7


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono