“Zbërthehet Kujtim Gjuzi” tregon mesazhet me Ramën në studion e Enkel Demit

09:47 | 06/11/201909:470

Në emisionin ABC-ja e mëngjesit me gazetarin Enkel Demi, ka qenë i ftuar ditën e sotme, një nga deputetët më të rinj në parlamentin shqiptar, Kujtim Gjuzi kryetari i Partisë Konservatore.

I pyetur nga gazetari Enkel Demi se nëse do bëhej reforma zgjedhore, Gjuzi tha se ajo do bëhej bashkë me reformën e re administrative, dhe se së shpejti do të bëhet një lëvizje, që sipas Gjuzit, do të zbresë deri në gjirin e Artës.

Gjatë bisedës së tij, Gjuzi tha se është krijuar grupimi i partive të djathta i kryesuar nga Adriatik Alimadhi. Gjithashtu Gjuzi tregoi se kishte këmbyer edhe sms me kryeministrin Rama disa prej të cilave i ndau me gazetarin Enkel Demi.

Pjesë nga biseda në studio me gazetarin Enkel Demi:

Enkel Demi: Reforma zgjedhore do bëhet?

Kujtim Gjuzi: Reforma zgjedhore do bëhet se s’bën.

Kujtim Gjuzi: Ju keni ndërhyrë në këtë bisedë, gjatë diskutimit për reformën zgjedhore, dje ishte radha për diskutim nga shoqëria civile, dhe ata nuk ju a jepnin fjalën, përfshi këtu edhe Rudina Hajdarin sepse thanë se ju nuk jeni anëtar i shoqërisë civile.

Enkel Demi: Si ishte kjo?

Kujtim Gjuzi: Ju e keni dit më shumë nga të gjithë se Kujtim Gjuzi ka mbrojtur teatrin, Kujtim Gjuzi ka shku ka mbrojt detin Jon. Rudina është një vashë e re dhe donte të zbuste toinet e mia të ashpra mes meje dhe të korruptuarit Damian Gjiknuri, hajdutit të votës.

Kujtim Gjuzi: Të lutem Enkel të lutemm…Jam në studion tuaj, dua respektin tuaj

Enkel Demi: Nuk po ju mungon respekti

Kujtim Gjuzi: Po më mungon se po më ndërhyni..

Dëgjo këtu, boll me hajdutë, boll me 45 miliard euro ytë inkasuara jashtë në bankat jashtë, të cilat do të vijnë këtu, dhe fryma e të djathtës me Adriatik Alimadhin aty, Zef Shtjefnin aty, Koçi Tahirin aty, Kostaq Papën aty…. se s’du me thënë mbiemrin tim aty se kam konflikt interesi..

Enkel Demi: Pse?

Kujtim Gjuzi: Jena dy Gjuzë mrena të djathtëve se jena familje e madhe si mbiemer..

Enkel Demi: Po nuk jemi aty? Po ju pyes për reformën zgjedhore dhe ju më thoni se ka një formacion të ri politik që quhet grupim i partive të djathta që po drejtohet nga Adriatik Alimadhi. Tani kemi hallin e reformës zgjedhore që po diskutohej dje, do bëhet apo s’do bëhet?

Kujtim Gjuzi: Reforma do bëhet me parametra me qeveri akademike. Rama nuk ka shans të bëj reformë zgjedhore se do ti themi se je edhe ti hajdut..

Enkel Demi: Pra në parlamentin aktual nuk bëhet reformë zgjedhore, ju po i kërkoni edhe qeveri akademike Ramës?

Kujtim Gjuzi: Patjetër.. jo Ramës jo  jo jo..

Enkel Demi: Tani reforma zgjedhore po ju pyes sërish do bëhet apo jo?

Kujtim Gjuzi: Do ta bëjmë dhe do të sjellim … prandaj kërkova fjalën për procedurë. Do të sjellim propozimet e 44 partive politike të cilat janë bashkëkryetar të grupimit me 34 takime, Agron Dukën, Koco Kokëdhimën dhe janë koordinatorët, ambasadori Zef Bushati dhe po ashtu kemi edhe Eduart Abazin. Këto janë 4 kokat e grupimit që kanë kërkuar të parët për të ndryshuar kodin zgjedhor dhe nuk ka asnjë shans…

Enkel Demi: Pra ju dje doni të paraqisnit…

Kujtim Gjuzi: Shiko se është një ngarkesë e madhe për mua, janë gjithë ato emisione, rri deri në 1 të natës në zyrë edhe kishte thënë Gramoz Ruçi pse rri ai atje, ai nuk e kupton që s;’duhet të rri në kryeë të kuvendit se ka përgjegjësi në Shkodër për 4 vrasje sic ka Lulzim Basha për 4 vrasjet në bulevard të Tiranës. Në këto kushte reforma zgjedhore do bëhet ose në vend që të hyjnë 2 njerëz te ai burgu i Shkodrës do hyjnë 4, nga këta titullarët e mëdhenj ëë..

Enkel Demi: Pra reforma zgjedhore do bëhet thoni ju por se qysh se si, se tek..?

Kujtim Gjuzi: Është e qartë fare, kërkova procedurën

Enkel Demi: Dmth te ky komision reforma zgjedhore nuk bëhet?

Kujtim Gjuzi: Ore do bëhet se s’bën

Enkel Demi: Po si do bëhet?

Kujtim Gjuzi: Po Rama tani do reagoje,

Enkel Demi: A, po prisni të reagojë Rama?

Kujtim Gjuzi: Po ti e di që reagon Rama, kur flasim ne konservatorët , ja ti sjellim faktet…Ka reaguar në datën 23 shkurt 2017, kur ka ndërruar sms me mua dhe ka thënë, si do ta zgjidhim problemin? E kam sms..ne i thamë hiqe ministrin e brendshëm dhe e hoqi..më datën 12 Mars. Pas 12 marsit tha: -Unë do bëj Metën president. Ore mos e bëj Metën president se ka vjedhur zgjedhjet..

Enkel Demi: Jua tha juve Rama këtë, ta tha ty personalisht?

Kujtim Gjuzi: Mua..mua…po edhe mua ma thotë, nuk e pe sms? A e pe sms? I pe të dy numrat me sms? I pe apo s’i pe?

Enkel Demi: I pashë i pashë..

Kujtim Gjuzi: Pse ti tregova? Ti tregova që të jem i sinqertë dhe të jem i sinqertë përballë shqiptarëve, duhet sinqeritet Enkel, nuk do të ketë më vjedhje. Kush vjedh zgjedhjet do përfundoj në burg.

Enkel Demi: Në rregull, të falënderoj shumë Zoti Gjuzi për gjithçka që më përcolle por unë prapë do ju pyes, reforma zgjedhore do bëhet?

Kujtim Gjuzi: Reforma zgjedhore do bëhet bashkë me reformën në drejtësi, bashkë me reformën e re administrative dhe të gjithë do punojmë për një lëvizje kombëtare që do zbresë deri në gjirin e Artës. /abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono