Zaev publikon pyetjen e referendumit në takimin me liderët politikë

11:29 | 19/07/2018

Kryeministri i Maqedonisë, Zoran Zaev, njoftoi se do të mbahet një takim i ri liderësh sot pasdite. Kjo erdhi pasi në takimin e djeshëm të liderëve të të gjitha partive politike në vend, lideri i opozitës tha se nuk është dakord me një format kaq të gjerë të takimit të liderëve. Ai madje u largua nga mbledhja.

“Të gjithë ne që ishim në takimin e liderëve jemi për referendum të suksesshëm. Ndërsa sjellja e Mickovskit e demonstruar në emër të VMRO-DPMNE-së është jo serioze, e papërgjegjshme dhe ofenduese ndaj të gjithë subjekteve politike dhe qytetarëve të Maqedonisë”, deklaroi Zaev.

Gjithashtu kryeministri maqedonas mbrëmë bëri të ditur edhe pyetjen e referendumit e cila do të jetë:

“A mbështesni anëtarësimin në BE dhe NATO me pranimin e Marrëveshjes së emrit mes Maqedonisë dhe Greqisë?”.

Referendum pritet të mbahet në Shtator ose Tetor./abcnews.al





Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono