Zaev kundërshton propozimin e opozitës për gjuhën shqipe

13:10 | 12/03/2018

Kryeministri i Maqedonisë Zoran Zaev, pret që këtë javë të mbyllet çështja për ligjin për përdorimin e gjuhëve. Në një konferencë të përbashkët për shtyp me kryesuesin e Këshillit të Ministrave të Bosnje dhe Hercegovinës, shefi i qeverisë së Shkupit tha se debati për këtë çështje është i hapur tashmë, prej nëntë muajsh dhe duhet të mbyllet sa më shpejt.

Zoran Zaev, Kryeministër i Maqedonisë: “Të gjithë thanë gjithçka që paten për të thënë, ndërsa pati edhe kohë të mjaftueshme për dialog. Ligji duhet të miratohet konform Kushtetutës dhe ligjeve. Me këtë do të mbyllet aspekti i fundit ligjor nga Marrëveshja e Ohrit. Ta lejojmë të realizohet. Le të ketë implementim dhe do të shohim se nuk është diçka e dhimbshme, e vështirë apo tragjike, por është diçka që do të mundësojë të kuptohemi më lehtë me njëri-tjetrin”.

Zaev kishe dhe një kundërpërgjigje për kërkesën e liderit të VMRO-DPMNE-së Hristian Mickovski, i cili tha se opozita do të mbështesë planet reformuese të LSDM-së nëse ligji për gjuhët tërhiqet nga procedura në kuvend. Kryeministri i Maqedonisë kundërshtoi propozimin e liderit të VMRO-DPMNE-së duke nënvizuar se bëhet fjalë për deklarata të njëjta të bëra më parë edhe nga ish lideri i kësaj partie Nikolla Gruevski. Në konferencë, Zaev foli edhe për negociatat për zgjidhjen e kontestit të emrit me Greqinë. Ai nuk komentoi zërat për ndryshimet kushtetuese ndërsa u shpreh se duhet gjetur një zgjidhje e cila do të ruajë dinjitetin dhe identitetin e dy palëve. /abcnews.al





Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono