Ylber Ramadani kërkon falje për goditjen e fanelës me këmbë

14:10 | 13/06/201914:100

Futbollisti i kombëtares Ylber Ramadani, kërkon ndjesë për goditjen e fanelës me këmbë pas shënimit të golit. Ai theksoi se gabimi u bë për shkak të emocioneve.

Në atë moment mund të ndihej si më i lumturi në botë.

Ylber Ramadani shënoi golin e dytë duke e bërë plotësisht të sigurt fitoren e Shqipërisë ndaj Moldavisë në eleminatoret e Europianit, por pikërisht ndërsa festonte i ndodhi diçka e papritur.

Ai hoqi fanelën dhe e goditi papritur me këmbë duke e hedhur tej, diçka që nuk mbeti pa u komentuar nga tifozët.

Mes urimeve dhe lumturisë në rrjetet sociale, pati edhe kritika për veprimin e mesfushorit.

Gjithsesi, vetë Ramadani nuk ngurroi të reagonte siç i takonte.

Pasi u qetësua në përfundim të ndeshjes, Ramadani kërkoi falje në rrjetet sociale, saktësisht në faqen e tij në Instagram.

Ai nuk ngurroi ta quante veprimin e tij si të papranueshëm, veçse të kryer nën ndikimin e emocioneve të forta pas shënimit të golit, dhe duke mos pasur asnjë qëllim të keq.

Mesfushori 23-vjeçar, lindur në Ferizaj të Kosovës, shënoi golin e tij të parë për kombëtaren, në ndeshjen e pestë të luajtur me bluzën e saj.

Ai vlerësohej edhe nga ish-trajneri Panuçi, ndërsa tekniku i sotëm Edi Reja, e cilëson si një nga lojtarët më të rëndësishëm. /ABc news Albania 24/7

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono