Xhaçka viziton familjet e dëmtuara nga tërmeti në Floq

17:00 | 04/06/2019

Çdo banesë e shembur ose e dëmtuar nga lëkundjet sizmike në Korçë do të rindërtohet. Deklarata u bë nga Ministrja e Mbrojtjes Olta Xhaçka e cila vizitoi ditën e sotme familjet e prekura nga tërmeti në fshatin Floq.

Pasditen e së martës ministrja e Mbrojtjes vizitoi familjet e prekura nga tërmeti që janë strehuar në çadra dhe në shkollën e fshatit Floq.

Ajo garantoi banorët se do të rindërtohen shtëpitë e rrënuara dhe do të dëmshpërblehen familjet për të riparuar shtëpitë me dëmtime të lehta.

Ditët në vijim do të përmirësohen edhe kushtet në ambjentet e përshtatura për strehim tha Xhaçka.

Më herët Xhaçka mori pjesë në mbledhjen e shtabit të emergjencave ku kërkoi koordinimin e institucioneve vendore për t’u ardhur në ndihmë banorëve.

Në total janë 95 banesa të shkatërruara dhe 212 banesat me dëmtime të lehta nga lëkundjet e forta sizmike. /ABC News Albania 24/7



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono