Xhaçka: Buxheti i Mbrojtjes për 2019-ën të jetë 1.25% e PBB

17:15 | 08/11/2018

Gjatë diskutimit të buxhetit për vitin e ardhshëm në komisionet parlamentare, Ministrja e Mbrotjes Olta Xhaçka në seancën dëgjimore në Komisionin e Sigurisë ka kërkuar një rritje buxheti për dikasterin që drejton me 0.05% krahasuar me një vit më parë.

Ministria e Mbrojtjes ka kërkuar rritje të buxhetit të institucionit me 1.25% të prodhimit të brendshëm bruto për vitin e ardhshëm duke kërkuar një rritje me o.o5% krahasuar me atë të një viti më parë. Gjatë seancës dëgjimore titullarja e dikasterit të mbrojtjes argumentoi kërkesën.

“Disa nga objektivat janë; modernizimi i batalionit të këmbësorisë, sistemet e pajisjeve për forcat e armatosura, vendosja në funksion e vëzhgimit të hapësirës ajrore, përmirësimi i vëzhgimit të hapësirës detare për luftën ndaj trafiqeve, investimi bashkë me NATO-n në modernizimin e bazës së Kuçovës, e cila do të sjellë përftime të shumëfishta, pasi do të rrisë nivelin e siguritë, ndikon në thithjen e investimeve të huaja dhe punësimet. Ne duhet të jemi shumë seriozë në bashkëpunim me aleancën.do të jenë mbi 50 milionë euro investim. Në 2019 do të vendoset tulla e parë, ndërsa kjo do të jetë baza e parë e NATO-s në Ballkanin Perëndimor”.

Deputetët ngritën shqetësimin e nivelit të buxhetit për emergjencat civile që tashmë është në varësi të ministrisë së mbrojtjes. Ministrja Xhaçka gjatë diskutimit deklaroi se duhet një buxhet më i madh.

“Duhet kihet parasysh se Emergjencat Civile ndërhynë në momentin kur Bashkitë nuk e përballojnë dot emergjencën. Në këtë drejtim, buxheti më i madh për të përballur emergjencën i takon Bashkive, njësive lokale, ndërsa pjesa tjetër Drejtorisë së Emergjencave Civile dhe kjo është arsyeja që ndoshta në plan të parë duket një buxhet i vogël”.

Buxheti i kërkuar nga ministrja Xhaçka sipas saj parashikon edhe rritje e rrogave për 6800 ushtarakë, nga ku përjashtohen vetëm oficerët me grata të larta. Kjo rritje pritet të arrije vlerën 19% të pagës dhe synon motivimin e ushtaravëve, thekson Xhaçka. /abcnews.al





Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono