Vuçiç zemërohet për vendin e caktuar në funeralin e Bush

15:31 | 06/12/2018

Vendi i caktuar për Serbinë dhe për Kosovën zemëroi përsëri presidentin Aleksandër Vuçiç. Ky i fundit tashmë pretendon se Hashim Thaçi paguan shuma të majme për t’u ulur afër liderëve botërorë në evente ndërkombëtare.

Përsëri në një event publik ndërkombëtar u la në hije, ndërsa nga ana tjetër homologut të tij kosovar iu rezervua një vend shumë i mirë. Funerali i ish-kreut të Shtëpisë së Bardhë Xhorxh Herbert Ualker Bush, u bë shkak që presidenti serb Aleksandër Vuçiç të zemërohet përsëri për karriken që i ishte caktuar nga organizatorët. Madje ai akuzoi Hashim Thaçin se paguan shuma të majme që të ulet afër liderëve të rëndësishëm.

Aleksander Vuçiç, President i Serbisë:  “Me cilin protokoll, ma shpjegoni. Ishte e mundur vetëm me para ose lobistë. Unë po ju them, gjithçka ka ndodhur vetëm nga paratë si në Paris ashtu dhe në Uashington. Nuk mendoj se është rezultat y diçkaje tjetër. Bëhet fjalë për para të majme që i paguajnë të dërguarit e tij, emigrantët e jo shteti i tij. Para së gjithash ata nga New York-u, por edhe nga Zvicra, Gjermania, Italia.. Të mos keni iluzione se diçka tjetër është në lojë. Merreni me mend Thaçi – një luftëtar i njohur për të drejtat e njeriut – ta ketë merituar me diçka tjetër ulësen ngjitur me Merkelin”.

Megjithatë, presidenti serb aludoi edhe një mundësi tjetër për atë se si u bë e mundur që Thaçi t’i sigurojë këto ulëse kaq të rëndësishme në Francë e Amerikë. Sipas Vuçiç, ndoshta dikush i “fuqishëm” po e ndihmon atë, duke përfaqësuar interesat e Prishtinës. Por ai tha në fund se kjo shumë pak gjasa të jetë e vërtetë. /abcnews.al




Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono