Vuçiç premton betejë të fortë me Thaçin në OKB

09:49 | 17/12/2018

Në një konferencë të jashtëzakonshme për mediat presidenti serb Aleksandër Vuçiç premtoi se do të jetë një betejë e fortë ajo me Hashim Thaçin në mbledhjen e këshillit të sigurimit në OKB.

Presidenti i Serbisë Aleksandër Vuçiç pranoi para gazetarëve se e diela ishte një ditë e vështirë jo vetëm për shkak të zgjedhjeve lokale, por edhe sepse po përgatitej për seancën e Këshillit të Sigurimit të OKB. Në një konferencë të jashtëzakonshme për mediat Vuçiç theksoi se ishte përgatitur për Këshillin e Sigurimit të OKB-së dhe se do të luftonte për të mbrojtur interesat e Serbisë.

Gjatë fjalës së tij ai përshëndeti popullin serb në Kosovë dhe i falenderoi ata për siç tha “luftën”, duke shtuar se kryetarët e 10 komunave dhanë një mesazh të qartë për Hashim Thaçin se kush është president i tyre dhe cili është vendi i tyre.
“Ushtria e Kosovës u formua kundër interesave të popullit serb. Ajo nuk mund të rrezikojë ushtrinë tonë, ose mbijetesën e kombit tonë. E gjithë kjo është në kundërshtim me atë që flet Thaçi,” përfundoi Vuçiç./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono