Vuçiç do të flasë për Kosovën në takimin e shtatorit me Putin

14:41 | 09/08/2018

Sipas mediave serbe në takimin e 15 shtatorit në Moskë me presidentin rus Putin, kreu i shtetit Aleksandër Vuçiç do të flasë për Kosovën. Ndërkohë bëhet e ditur se në nëntor të këtij viti Putin do të vizitojë Beogradin.

Presidenti i Serbisë Aleksandër Vuçiç do të udhëtojë në 15 shtator në Moskë ku do të takohet me homologun rus Putin.

Mediat serbe konfirmojnë se në këtë takim kreu i Shtetit serb do të flasë kryesisht për çështjen e Kosovës. Ndërkohë bëhet e ditur se nën nëntor do të jetë Putin ai që do të vizitojë Beogradin.

Një vizitë që konfirmohet dhe nga deklarata e ministrit të jashtëm serb Ivica Daçiç i cili më parë është shprehur se kreu i Kremlinit do të vizitonte Serbinë në vjeshtë. Ministri i jashtëm rus Sergej Lavrov në një intervistë për mediat serbe u shpreh se niveli i besueshmërisë dhe intensiteti i kontakteve mes Moskës dhe Beogradit është në një nivel shumë të kënaqshëm. Daçiç ka qenë zyrtari i fundit serb që ka vizituar Moskën. Në 28 qershor ai u takua me zëvendës kryeministrin rus dhe bashkë presidentin e komitetit të përzier ruso – serb për tregtinë. /abcnews.al

 





Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono