Vuçiç dhe Brnabiç në Bruksel: Dialogu vazhdon pas heqjes së taksës

15:36 | 19/12/2018

Deri në momentin që taksa ndaj produkteve serbe do të jetë në fuqi, nuk do të ketë dialog me Kosovën. Deklarata u bë nga presidenti i Serbisë Aleksandër Vuçiç gjatë takimit në Bruksel me presidentin e KE-së Donald Tusk.

Presidenti i Këshillit Evropian Donald Tusk është takuar në Bruksel me presidentin e Serbisë Aleksandër Vuçiç dhe kryeministren serbe Ana Bërnabiç. Presidenca serbe ka konfirmuar me anë të një deklarate për media se në këtë takim u diskutua për situatën në rajon, dhe taksën e vendosur nga Prishtina për produktet serbe; por dhe për integrimin europian të Serbisë.

nga ana e tij kreu i shtetit serb Vuçiç, theksoi se Serbia mbështet fuqishëm dialogun për normalizimin e marrëdhënieve me Kosovën dhe beson se bisedimet janë e vetmja mënyrë për të zgjidhur çështjet e hapura dhe për të ruajtur stabilitetin rajonal. Por sipas tij dialogu me Kosovën është bllokuar për shkak të vendimit të Qeverisë së Kosovës për vendosjen e taksës prej 100 për qind për mallrat e Serbisë, vendim këtë që Vuçiç vazhdon ta quajë të paligjshëm dhe në kundërshtim me marrëveshjen e CEFTA-s.Presidenti i Këshillit Evropian, Donald Tusk, ka përkrahur qëndrimin e Serbisë për marrëdhëniet me Kosovën./abcnews.al




Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono