Vrioni e Binaku të lumtur për Kombëtaren

17:45 | 08/10/201817:450

Dy debutues të kombëtares dolën përpara mediave në prag të ndeshjeve të radhës. Xhakomo Vrioni dhe Egzon Binaku u shprehën të lumtur dhe me besim në ekipin përfaqësues.

Do të shohim sërish fytyra të reja. Kombëtarja shqiptare do të ketë katër debutues ndaj Jordanisë e Iizraelit, dhe dy prej tyre dolën për herë të parë përpara mediave në Durrës.
Xhakomo Vrioni vjen nga Italia dhe Egzon Binaku nga Suedia. Vrioni është sulmues, luan në Serinë B për Venecian, dhe pritet të jetë i rëndësishëm pasi është vetëm 19 vjeç. Djaloshi i lindur në San Severino, u tregua tepër i sinqertë duke treguar arsyen se përse zgjodhi Shqipërinë.

Xhakomo Vrioni, futbollist i Kombëtares: “Nuk e prisja këtë thirrje sepse bëra vetëm një ndeshje me 21-shin dhe e besoja. Por jam i lumtur, kam bërë shumë ndeshje me Italinë, vitin e kaluar nuk më thirrën më dhe bëra një rifleksim dhe zgjodha Shqipërinë. Nuk është në asnjë moment e lehtë, ketu ka sulmues shumë të fortë. Objektivi është të luaj sa më shumë dhe të bëj gol.”

Egzon Binaku gjithashtu nuk ka lindur në Shqipëri apo Kosovë, veçse në Suedi, ku edhe luan për Malmon. Mbrojtësi 23-vjeçar shpresohet të ndihmojë një repart të pasigurt në kombëtare.

Egzon Binaku, futbollist i Kombëtares: “Jam i kënaqur që unë kam ardhur sot. Tani duhet me u lut që të bëhet mirë. Me Skocinë s’kemi luajtur shumë mirë, kemi humbur. Por tani e dijmë se si luajnë ata dhe tani duhet të dijmë se si të fitojmë.”/abcnews.al


Për t’u bërë pjesë e grupit klikoni: Join Group dhe kërkesa do t’ju aprovohet.
KOMUNITETI ABC NEWS ALBANIA: https://www.facebook.com/groups/AbcNewsAlbaniaGroup

Të lidhura

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono